U sjajnoj atmosferi dvorane Morača, Budućnost je u odlučujućem meču polufinalne serije AdmiralBet ABA lige savladala Crvenu zvezdu rezultatom 81:78 i izborila plasman u veliko finale.
Utakmica je bila izuzetno neizvjesna od samog početka, a obje ekipe su se smjenjivale u vodstvu. Publika je svjedočila pravoj drami u završnici, kakva se rijetko viđa.
Presudan trenutak desio se minutu i po prije kraja, kada je Kenan Kamenjaš sjajnim zakucavanjem doveo domaće u vodstvo. Uslijedila je sporna situacija na drugoj strani, gdje su sudije nakon duže video provjere poništile koš Crvene zvezde zbog isteka napada.
Beograđani su imali još dvije šanse za povratak, ali su oba puta izgubili loptu. McKinley Wright je potom pogodio jedno od dva slobodna bacanja, a Zvezda je 7 sekundi prije kraja izjednačila preko Dobrića.
No, posljednju riječ ipak je imala Budućnost. Trener Andrija Žakelj odlučio se za napad preko cijelog terena, a lopta je stigla do Wrighta koji pogađa trojku za veliko slavlje i plasman u finale!
Podgoričani će se u borbi za trofej sastati s Partizanom, koji je ranije eliminisao Dubai.