Košarkaš Los Angeles Lakersa, LeBron James, govorio je o nastupu za Sjedinjene Američke Države na predstojećim Olimpijskim igrama u Parizu.
James je nagovijestio da neće da ima ulogu lidera u američkom timu na Olimpijskim igrama u Parizu.
LeBron je sa selekcijom SAD-a osvojio zlatne medalje na Olimpijskim igrama 2008. godine u Pekingu i 2012. godine u Londonu, kao i bronzanu medalju u Atini 2004. godine.
“Vidjetću kako ću se osjećati na kraju sezone, ali ne mislim da bi nastup na Olimpijskim igrama bio preveliki napor za mene. S obzirom na igrače koji mogu da popune naš olimpijski tim, ne bih morao mnogo toga da radim, malo da skačem, dodajem, blokiram… Svakako ne bih ni volio da budem među glavnim igračima”, rekao je James poslije All Star meča NBA lige u Indianapolisu ovog vikenda.
On je izjavoo da ne zna koliko će još sezona igrati u NBA ligi, ali je dodao da mu se bliži kraj igračke karijere.
James je istaknuo da je sretan u Los Angeles Lakersima sa kojima je 2020. godine osvojio titulu prvakau NBA ligi. On ove sezone u NBA ligi prosječno postiže 24,8 poena i ima 7,8 asistencija i 7,2 skoka po meču.
