Jakub Menšik otkrio je kako je pred početak turnira u Miamiju bio spreman da se povuče zbog povrede.
Držao je papir u rukama, na kojem je stajalo da odustaje od takmičenja, ali nije pronašao sudiju i to je, kako će se kasnije pokazati, bio ključan trenutak u njegovoj karijeri.
Umjesto da preda papir i odustane, Menšik je odlučio da ode na još jedan tretman kod fizioterapeuta Alejandra.
„Na kraju, ogromna zahvalnost fizioterapeutu Alejandru. Sat vremena prije početka turnira držao sam papir da odustanem, ali nisam mogao da nađem jednog od sudija, koji je tada bio na ručku. Onda sam otišao na još jedan tretman kod Alejandra, i zbog njega sada stojim ovdje“, izjavio je Menšik, novi šampion Miamia.
